Navigimi

NJOFTIMET E FEDERATËS SË PINGPONGUT TË KOSOVËS

Veteranët festojnë Ditën e Flamurit Kombëtar

Me 27 nëntor, në sallën e pingpongut të Pallatit të Rinisë, federata e pingpongut të Kosovës organizoi turneun tradicional për veteranë, për nder të ditës së Flamurit kombëtar.

 

Morën pjesë afër 40 pingpongistë veteranë nga Kosova e Shqipëria, si dhe klubi i sapo formuar në Pejë ‘Maestro’ të udhëhequr nga z Qamil Vishaj.  Garat u zhvilluan në 3 grup-mosha 40-49, 50-59 dhe mbi 70 vjeç, si dhe në kategorinë e çifteve.

Lëxo më shumë.

Kosova pret Uellsin

Prishtinë, 21 nëntor 2016 - Kosova do të jetë nikoqire e Uellsit, në kuadër të ndeshjeve kualifikuese për Kampionatin Europian të Pingpongut "2017 ITTF European Table Tennis Championships"

 

Pas ndeshjes së parë të zhvilluar në Vjenë të Austrisë, Kosova do të zhvillon ndeshjen e rradhës kundër Uellsit në Prishtinë. Kosova, Austria dhe Uellsi janë në grupin F, në "Championships Division" në ekipin e femrave.

 

Reprezentacioni i femrave neser (e marte), duke filluar nga ora 18:00, në palestrën e Pingpongut në Pallatin e Rinisë dhe Sportit, në Prishtinë do të ballafaqohet me pingpongistet nga Uellsi, ndeshje e rëndësishme për kualifikime në Kampionatin Europian 2017.

Selektori Besart Domaniku ka perzgjedhur Kampionen e shumëfishtë Vlona Maloku, Kampionen e turneut te fundit Dita e Flamurit, Linda Zeqiri, Nehare Janjeva dhe Ilirjana Haliti për të përfaqësuar Kosovën në këtë garë kualifikuese.

 

 

Unioni Europian i Pingpongut (ETTU – Europena Table Tennis Union) ka caktuar gjyqetarin slloven, z. Matija Krnc, refer nderkombetar, per te mbikeqyrur ndeshjen Kosova – Uellsi.

 

Kampionati Europian i pingpongut do mbahet në Luksenburg në tetor 2017!

Kosova udhëton në Uells për garat kualifikuese

Pingpongistët kosovar kanë udhëtuar sot për në Kardif të Uellsit, për të marrë pjesë në garat kualifikuese për "2017 ITTF European Championships Qualification Men's Team - Challenge Division", ku do të ndeshet me Irlanden, Norvegjine, Azerbajxhanin, Islanden dhe Uellsin.

Selektori Domaniku, ka përzgjedhur vëllezërit Baton e Linor Çitaku si dhe Mentor Shabanin për të përfaqësuar Kosovën në këto gara.

 

Në Shqipëri, dy gjyqtarët më të mirë ndërkombëtar të Kosovës, Jeton Beqiri dhe Abedin Bahtiri, do të ndajnë drejtësinë në grupin K, ku Shqipëria do të ndeshet me Skocinë, Malten, Bosnien e Hercegocinën dhe Malin e Zi.

Kampionati Evropian në transmetim direkt online

Nga data 18 deri me 23 Tetor në Budapest të Hungarisë do të zhvillohet Kampionati Evropian i Pingpongut.

Përfaqsuesit kosovar Baton
Çitaku, Linor

Çitaku, Vlona Maloku dhe Ilirjana Haliti do jenë në mesin e shumë emrave të njohur si Petrissa Solja, HAN Ying,  Vladimir Samsonov, Timo Boll, Dimitrij Ovtcharov e shumë të tjerë që do garantojnë spektakël për gjithë adhuruesit e pingpongut.

 

Të gjithë të interesuarit kanë mundësinë të ndjekin falas ndeshjet direkt në njëren nga lidhjet e mëposhtme:

· Table 1: http://www.laola1.tv/watch/livestream/ittf-european-championships-table-1-lde

· Table 2: http://www.laola1.tv/watch/livestream/ittf-european-championships-table-2-lde

· Table 3: http://www.laola1.tv/watch/livestream/ittf-european-championships-table-3-lde

· Table 4: http://www.laola1.tv/watch/livestream/ittf-european-championships-table-4-lde

KPP Prishtina (Meshkujt) shpallën kampion të Kosovës në garat ekipore

Prishtinë, 16 Tetor 2016

 

Prishtina (Baton Çitaku, Besart Domaniku, Linor Çitaku, Petrit Dragidella dhe Ylli Prestreshi) e përfunduan vitin 2016 pa asnjë humbje, dhe u shpallën Kampion të Kosovës për vitin 2016.

 

Në ndeshjen e fundit të këtij sezoni ata patën përballje të fortë me ‘Ahmet Hoxhen’ që zgjati afro 4 orë dhe arritën të fitojnë me rezultat të ngushtë 4:3.


Lexo më shumë.

 

 

KPP Prishtina (Femrat) - Kampion 2016

Prishtinë, 16 tetor 2016

 

Të dielën u zhvilluan ndeshjet e Superligës së femrave. Edhe kësaj radhe KPP Prishtina (Era Janjeva, Iliriana Haliti dhe Vlona Maloku) triumfoi me lehtësi ndaj Ahmet Hoxhes dhe Shkollës duke u shpallur Kampion të Kosovës për vitin 2016.


Lexoni më shumë.


 

 

Prishtina I - Kampion në garat ekipore të Juniorëve

15.09.2016

 

Të shtunën në Prishtinë u zhvilluan ndeshjet e javës së fundit të kampionatit ekipor të Kosovës për junior, që u cilësua me shumë ndeshje shumë të forta e me atmosferë të mirë sportive.

 

Ndeshja më e fortë ishte ajo ndërmjet klubeve të Prishtinës respektivisht ndërmjet Shkolla 1 (J) dhe Prishtina 1 (J), që përfundoj me rezultat të ngushtë 3:2 për Prishtinën 1 (J) të cilët me këtë fitore e siguruan vendin e parë për herë të tretë radhazi.

 

Në fund FPPK u ndau kupën kampionëve: Blendon Luta, Çlirim Fazliu, Jon Shala, Marin Lleshi dhe Ylli Dragidella.

 

Për të shikuar rezultatet dhe rënditjen finale për vitin 2016 klikoni më poshtë:

Liga e Junioreve 2016

Kuvendi zgjedhor i FPPK-së në faqen zyrtare të ITTF

12.10.2016

 

Lajmi i Kuvendit zgjedhor të Federatës së Pingpongut të Kosovës është publikuar në faqen zyrtare të ITTF.

Përveq besimit dhënë për kryetarin e rizgjedhur Nehat Citaku nga ana e Kuvendit, janë prezantuar gjithashtu të gjitha organet tjera organizative të Federatës së Pingpongut të Kosovës.

 

Për të lexuar artikullin origjinal në faqën e ITTF, klikoni në lidhjen e mëposhtme:

Nehat Citaku re-elected President of Kosovo Table Tennis Association.

Ndryshim në Kalendarin e Garave

09.10.2016

 

Njoftohen të gjitha klubet dhe lojtarët që është shtyer turneu TOP 8 (Kadetë) për datën 6/11/2016.

FPPK

Turneu memorial "Ilir Lushtaku" 2015

Përshëndetje të nderuar,

 

Po ju njoftojmë se Turneu per junior "Ilir Lushtaku", do te mbahet me 22 mars 2015 duke filluar nga ora 10 e 00, ne Prishtine.

 

FPPK

Kampionati individual i Kosovës për Minikadet/ë (2003), Kadete/ë (2000)

Po ju njoftojmë se Kampionati individual i Kosovës për Minikadet/ë (2003), Kadete/ë (2000) do te mbahet me 15 mars 2015 duke filluar nga ora 10 e 30, në Suharekë.

 

Garat do të zhvillohen në këto kategori

 

Minikadet (M dhe F) të lindur në vitin 2003 ose me të ri

Kadet (M dhe F) të lindur në vitin 2000 ose me të ri

Çifte meshkuj,  të lindur në vitin 2000 ose me të ri

Çifte femra,  të lindur në vitin 2000 ose me të ri

çifte të përziera,  të lindur në vitin 2000 ose me të ri

Kampionati Individual i Kosovës për Senior/ë 2015

Ju njoftojmë se Kampionati Individual i Kosovës për Senior/ë është paraparë se do të mbahet me 28 shkurt dhe 01 mars 2015 duke filluar nga ora 10 00, në (vendi do të përcaktohet deri të enjtën).

 

FPPK