Në Prishtinë u mbajt turneu i fundit për këtë vit për grup moshën U21, ku morën pjesë tetë lojtarët më të mirë, sipas Ranglistës së FPPK-së për këtë kategori.
Te femrat, siç është pritur lojtarja më e mire për grup moshën U21, Alma Mehmeti e dëshmoi këtë duke i fituar të gjitha ndeshjet. E dyta doli Shega Hashani, e cila pati 5 fitore dhe vetëm dy humbje, kurse e treta doli Bleona Mehmeti. Jerina Rexhepi doli e katërta, Adea Babuni e pesta, kurse Edona Shabani e gjashta. Munguan Alma Hoxha dhe Loresa Imeri.
Edhe te djemtë nuk pati ndonjë befasi, pasi vendosi takimi ndërmjet dy më të mirëve, Kreshnik Mahmutit dhe Fatih Karabaxhakut që në xhiron e parë. Edhe sot Kreshniku ishte më i disponuar se kolegu i klubit Fatihu dhe në ndeshjet tjera, përveç ndaj Blendon Lutës nuk hasi shumë në vështirësi. Ndërkaq Fatihu e vërtetoi vendin e dytë, për të lënë prapa në vendin e tretë Lutën e disponuar, i cili u mund nga Mahmuti, Karabaxhaku dhe Xhaka. Në vendin e katërt u rendit prizrenasi tjetër, Blend Hajdari, kurse Sylejman Qerkini doli i pesti. Tomor Xhaka doli i gjashti, Elvedin Çolakoviq i shtati dhe Aulon Bivolaku i teti.
Tre të parët u nderuan me diploma, medalje e kupa, kurse të tjerët me diploma.
Renditja:
Femrat:
Pozita | Lojtari | Klubi | Fitore | Humbje | Pikë |
1 | Alma Mehmeti | KPP Drita | 5 | 0 | 10 |
2 | Shega Hashani | KPP Ahmet Hoxha | 3 | 2 | 8 |
3 | Bleona Mehmeti | KPP Drita | 3 | 2 | 8 |
4 | Jerina Rexhepi | KPP Ahmet Hoxha | 2 | 3 | 7 |
5 | Adea Babuni | KPP Vllaznimi | 2 | 3 | 7 |
6 | Edona Shabani | KPP Vushtrria | 0 | 5 | 5 |
| Alma Hoxha | KPP Ahmet Hoxha | | | |
| Loresa Imeri | KPP Vushtrria | | | |
Meshkujt:
Pozita | Lojtari | Klubi | Fitore | Humbje | Pikë |
1 | Kreshnik Mahmuti | KPP Lidhja e Prizrenit | 7 | 0 | 14 |
2 | Fatih Karabaxhaku | KPP Lidhja e Prizrenit | 6 | 1 | 13 |
3 | Blendon Luta | KPP Shkolla | 4 | 3 | 11 |
4 | Blend Hajdari | KPP Lidhja e Prizrenit | 4 | 3 | 11 |
5 | Sylejman Çerkini | KPP Shkolla Ahmet Hoxha | 3 | 4 | 10 |
6 | Tomor Xhaka | KPP Hasan Prishtina | 3 | 4 | 10 |
7 | Elvedin Çollakoviq | KPP Shkolla | 1 | 6 | 8 |
8 | Aulon Bivolaku | KPP Vushtrria | 0 | 7 | 7 |
