Me kënaqësi ju informojme se nga data 1-5 nëntor 2023 (gjatë pushimit vjeshtor) në Ferizaj, Drejtori i përfaqësueses ka paraparë organizimin e një kampi për grup moshën U15 për të gjithë të interesuarit nga klubet e regjistruara në Federatën e Pingpongut të Kosovës (FPPK) gjatë vitit 2023. Ky kamp do të zhvillohet me vetëfinancim nga pjesmarresit
Në kampin e planifikuar për 5 ditë, lojtarët do të kenë rastin të përmirësojnë shkathtësitë e tyre teknike dhe taktike përmes 3 seancave të trajnimit në ditë, të cilat janë hartuar me kujdes në përputhje me programin e përcaktuar nga Drejtori i përfaqësueses.
Çmimi i pagesës për person është 60.00 € për ditë ose 300.00 € për një javë për çdo individ.
Kjo pagesë përfshin akomodimin, ushqimin dhe 3 seanca ushtrimore në ditë, duke përfshirë edhe ushtrimet kondicionale në mëngjes. (Çmimi pa akomodim është 45 euro për person për ditë)
Ju kujtojmë se numri i lojtarëve është i kufizuar në minimum 16 lojtarë dhe maksimum 32 lojtarë.
Afati i fundit për paraqitjen e lojtarëve tuaj është deri më 24 tetor 2023, ndërsa pagesa duhet të kryhet deri më 27 tetor 2023, në përputhje me udhëzimet e administratës së Federatës së Pingpongut të Kosovës (FPPK).
Ky kamp ofron një mundësi të shkëlqyeshme për zhvillimin e aftësive teknike dhe taktike të lojtarëve tuaj dhe një eksperiencë të pasur në pingpong.
Nominimet nga klubi juaj i paraqitni në emailin:
[email protected]
