Sot, me datë 11 nëntor 2023, në shkollën ‘’Tefik Çanga’’, në Ferizaj, u organizua turneu TOP 8 për kategorinë U15 për meshkuj dhe femra.
Në këtë turne prestigjioz morën pjesë 16 lojtarët më të mirë, të cilët treguan nivel të lartë të aftësive dhe talentit, duke zhvilluar ndeshje mjaft interesante, tërheqëse dhe me shumë rivalitet.
Në kategorinë e femrave, Taibe Ruli nga ‘’KPP Lidhja e Prizrenit’’ sot ishte e pandalshme, ajo fitoj shtatë ndeshjet me rezultat bindës, dhe u shpall kampione e turneut TOP 8 U15. Në vendin e dytë, pas saj u rëndit ’’Maxhire Sojeva’’ nga ‘Kpp Ahmet Hoxha MK’ me gjashtë fitore nga shtatë të luajtura. Në pozitën e 3 – të u rëndit bashkëlojtarja e saj te ’KPP Ahmet Hoxha Mk’ Ajola Behluli me pesë fitore nga shtatë ndeshje.Në kategorinë e meshkujve pati ndeshje mjaft të mira, me rivalitet të theksuar.
Arti Karabaxhaku nga ‘’KVPP Prizreni’’ gjithashtu pati paraqitje fantastike, duke fituar të gjitha ndeshjet për tu shpallur kampion i turneut TOP 8 U15 me shtatë fitore nga shtatë ndeshje.Në vendin e dytë, me gjashtë fitore nga shtatë ndeshje u rëndit Ibrahim Maloku nga ‘’KPP Vushtrria’’ i cili gjithashtu pati paraqitje mjaft të mirë sot. Në vendin e tretë, me pesë fitore nga shtatë ndeshje u rëndit Amant Sejdiu nga ‘’KPP Ahmet Hoxha Mk’’.
Bashkëngjitur më poshtë gjeni tabelat me rënditjen përfundimtare;
