Laureatët e FPPK-se 2018

 Mentor Shabani i KPP Ahmet Hoxha në Ferizaj dhe Linda Zeqiri e KPP Drita nga Gjilani, janë shpallur më të dalluarit e sportit të pingpongut për vitin 2018, nga Federata e Pingpongut e Kosovës.

Çmimi i ekipit më të mirë të vitit i takoi KPP Ahmet Hoxha. Ekipi më i mirë për juniorë u zgjodh “Lidhja e Prizrenit”, transmeton KTV.

Ekipi më i mirë te senioret u shpall Drita, kurse te meshkujt, Lidhja e Prizrenit.

Në ceremoninë e ndarjes së më të dalluarve i pranishëm ishte kryetari i FPPK-së, Nehat Çitaku, që përmendi të arriturat e pingpongut për vitin që lamë pas.

Epiteti i trajnerit më të mirë të vitit i takoi Yll Malokut nga Ferizaj, ndërsa në fund u ndanë edhe mirënjohje për kontribuuesit e pingpongut kosovar.