ZYRTARIZOHEN DATAT E WTT FEEDER PRISHTINA DHE WTT YOUTH CONTENDER PRISHTINA 2027

Me kënaqësi ju njoftojmë se World Table Tennis (WTT) ka zyrtarizuar datat e dy turneve të rëndësishme ndërkombëtare që do të organizohen në Prishtinë gjatë vitit 2027.

Sipas kalendarit zyrtar të WTT-së, turnet do të zhvillohen në këto data:
WTT Feeder Prishtina 2027
Data: 5–9 maj 2027

WTT Youth Contender Prishtina 2027
Data: 11–14 maj 2027

Këto dy ngjarje ndërkombëtare pritet të sjellin në Kosovë sportistë, trajnerë dhe delegacione nga vende të ndryshme të botës, duke e vendosur Prishtinën në qendër të vëmendjes së komunitetit ndërkombëtar.

Organizimi i këtyre turneve përbën një tjetër hap të rëndësishëm në zhvillimin dhe promovimin e pingpongut kosovar, si dhe në fuqizimin e pozitës së Kosovës në arenën sportive ndërkombëtare.

Përtej rëndësisë sportive, organizimi i ngjarjeve të tilla ndërkombëtare përbën një mundësi të rëndësishme për promovimin e Kosovës në aspektin diplomatik, turistik dhe ekonomik, duke kontribuar në forcimin e imazhit të vendit, zgjerimin e bashkëpunimit ndërkombëtar dhe afirmimin e Kosovës si një destinacion për organizimin e ngjarjeve sportive të nivelit botëror.

Zyrtarizimi i datave dëshmon vazhdimësinë e angazhimit për organizimin e ngjarjeve sportive të nivelit ndërkombëtar dhe krijimin e mundësive të reja për promovimin e sportit dhe të vendit tonë.

Për detajet e tjera organizative do t'ju njoftojmë në vazhdim.