Afati i rregullt për regjistrim të klubeve dhe lojtarëve është nga data 10 janar deri me 4 shkurt 2022.

Kotizimi për klubet gjatë vitit 2022 është si në vijim:
a. Superliga e meshkujve, Liga e parë dhe Liga e dytë nga 100.00 €
b. Superliga e femrave dhe Liga e parë 0.00 €
c. Liga e juniorëve U17 0.00 €, ndërsa 50.00 € për klubet që nuk kanë klube në ligat seniore
d. Liga e juniorëve U19 0.00 €, ndërsa 50.00 € për klubet që nuk kanë klube në ligat seniore
e. Liga e veteranëve 0.00 €

KLUBET AKTIVE DUHET TË PLOTËSOJ KËTO DOKUMENTE:
• Aplikacionin për ri-regjistrim të klubit për vitin 2022
• Aplikacionin për regjistrimin e së paku 6 lojtarëve,
• Për lojtarët e rinj, kopja e letërnjoftimit ose certifikata e lindjes
• Procesverbali i mbledhjes së kryesisë së klubit për vitin 2022
• Lista elektronike me shënimet e krejt anëtarëve të regjistruar për vitin 2022

KLUBET E REJA DUHET TË PLOTËSOJ KËTO DOKUMENTE:
• Aplikacionin për regjistrim të klubit për vitin 2022
• Certifikatën e regjistrimit në OJQ në Ministrinë e Shërbimeve Publike
• Certifikatën e regjistrimit nga Drejtoritë Komunale të Sportit
• Aplikacionin për regjistrimin e së paku 6 lojtarëve
• Kopjet e letërnjoftimit ose certifikatës së lindjes së anëtareve,
• Procesverbali i mbledhjes së kryesisë së klubit për vitin 2022
• Lista elektronike me shënimet e krejt anëtarëve të regjistruar për vitin 2022
• të gjitha këto edhe në formë elektronike në CD – si në përshkrim më poshtë
Dosjen komplet së bashku me CD mund të i dorëzoni, gjatë afatit për regjistrim, çdo ditë pune nga ora 13:00 deri në ora 16:00 në zyre të FPPK-së, ndërsa listën elektronike me shënimet e krejt anëtarëve për vitin 2022 e dërgoni në email sg@fppk.com.

Të gjitha materialet që duhet plotësuar i gjeni të bashkangjitura.

Perfundoi me sukses kampi pergatitor i perfaqesueses se Kosoves per grupmoshat e reja i mbajtur ne hotel Banana Split ne Deçan nga data 3-9 janar.

Ne fund te kampit u organizua nje turne ku fituesit u shperblyen me kupa dhe nga 50 euro nga pronari i hotelit z. Blerim Turkaj te cilin e falenderojme per mikpritjen, perkrahjen dhe organizimin e shkelqyer.

Fituesit e turneut te kampit:

Fatih Karabaxhaku - Kategoria U21 dhe Junior (M)

Shega Hashani - Kategoria U21 dhe Junior (F)

Anes Behluli - Kategoria Minikadet dhe Kadet (M)

Taibe Ruli - Kategoria Minikadet dhe Kadet (F) 

Foto: https://www.facebook.com/fppks/photos/pcb.4920868077976163/4920834854646152

Nga data 3 deri me 9 Janar në Hotel Banana Split në Deçan do të organizohet kampi për të rinjë ku do të ftohen 32 lojtarët më të mirë të grupmoshave U21, Junior/e, Kadet/e dhe Minikadet/e të udhëhequr nga 8 trajner vendor dhe drejtori i përfaqësueses.

Bordi i FPPK-së në mbledhjet e fundit ka marrë vendim për të organizuar disa seminare për ngritje të kapaciteteve të saj, andaj bazuar në këtë vendim ju ftojmë të merrni pjesë në seminaret që kësaj radhe do të organizohen online përmes platformës zoom me 23 dhjetor.

Në program janë këto seminare:

1. Rregullorja Anti-Doping, Kodi i Etikës si dhe Rregullorja kundër-Ngacmimit; nga ora 19:00, Ligjërues: Jeton Beqiri
2. Ndryshimet në Rregulloren për sistemin e garave, nga ora 20:00, Ligjërues: Jeton Oruqi
3. Administratorët e sportit, regjistrimet e klubeve dhe lojtarëve për vitin 2022; nga ora 21:00, Ligjërues: Fadil Luta

Ftojmë të gjithë përfaqësuesit e klubeve dhe anëtarët e klubeve tuaja sportive të marrin pjesë në të gjitha këto prezantime Online.

Linkun dhe të dhënat për qasje ju dërgojmë ndërkohe në grupin Viber të Delegateve dhe email zyrtar të klubeve së paku 15 minuta para fillimit të seminarit.

Federata e pingpongut të Kosovës dhe Federata e pingpongut të Shqipërisë të kuadër të marrëveshjes për bashkëpunim të nënshkruar në vitin 2020 kanë paraparë edhe organizimin e ligës së përbashkët Kosovë-Shqipëri, në të cilën do të marrin pjesë 8-të (4M dhe 4F) ekipet më të mira nga Kosova dhe Shqipëria.

Organizimi i Ligës së Përbashkët të pingpongut Kosovë-Shqipëri, është paraparë të organizohet me 11 dhe 12 dhjetor në SHMU Tefik Çanga në Ferizaj https://goo.gl/maps/XgqFnnzvhZL2hqsK9

Ceremonia e hapjes është paraparë nga ora 14:30 me 11 dhjetor, ndërsa xhirot e para nga ora 15:00, andaj kemi nderin dhe kënaqësinë t'iu ftojmë në këtë ngjarje të rëndësishme kombëtare.



Ardhja juaj do të na nderoj!

Me 11 dhe 12 dhjetor në SHMU Tefik Çanga në Ferizaj do të organizohet Liga mbarëkombëtare për vitin 2021 në pingpong në kategorinë e seniorëve meshkuj dhe femra.

Ligat do të përbëhen nga 8 klubet që kanë dalë të parat në vendin e tyre, 4 nga Kosova dhe 4 nga Shqipëria. Garat do të zhvillohen me dy sezone, e para në Kosovë dhe e dyta në Shqipëri. Nga 7 xhirot e mundshme do të zhvillohen vetëm 4 xhirot e fundit, ndërsa rezultatet e 3 xhirove tjera do të merren nga rezultati vendor.

Shorti do të jetë si në vijim:

Detajet tjera janë të përshkruara në prospektin e garave. Luten klubet nga Kosova të konfirmojnë pjesëmarrjen e tyre deri më 8 dhjetor.

Bashkangjitur e gjeni shortin për TOP 12 senior dhe TOP 8 seniore , që janë paraparë të organizohet me 4 dhe 5 dhjetor në Prishtinë.

Me 4 dhe 5 dhjetor nga ora 10:00 do të organizohet TOP 12 për senior, ndërsa me 5 dhjetor nga ora 13:00 TOP 8 seniore.

Garat do të zhvillohen në 3 tavolina me 4 dhjetor, ndërsa në 4 tavolina me 5 dhjetor,  me një pauzë për drekë pas ndeshjes së 4-të në të dy ditët.

Suksese.

Në këtë fund javë është paraparë të organizohen TOP Turnetë e seniorëve për vitin 2021.

1)      TOP 12 për Senior

Turneu më i fortë i vitit, TOP 12 për senior, është paraparë të zhvillohet me 4 dhe 5 dhjetor 2021 duke filluar nga ora 10:00 në Prishtinë. Të shtunën do të zhvillohen shtatë xhirot e para ndërsa të dielën edhe katër xhirot e mbetura.

Seniorët që kanë fituar të drejtën të marrin pjese në garën më të fortë të vitit janë:

Me 5 dhjetor po ashtu në Prishtinë duke filluar nga ora 12:00, janë paraparë që të mbahen 7 xhirot e TOP 8 për Senioret më të mira të Kosovës për vitin 2021.

Senioret që kanë fituar të drejtën të marrin pjese në garën më të fortë të vitit janë:

Kërkojmë nga klubet që të konfirmojnë pjesëmarrjen e lojtarëve të tyre më së largu deri më 2 dhjetor në ora 16:00, në rast të mos konfirmimit do të angazhohen rezervat që kanë konfirmuar gatishmërinë sipas renditjes.

Garat do të zhvillohen secili me secilin, shorti do të hidhet nga komisioni i garave me 2 dhjetor.

Me 28 nëntor nga ora 10:00 në SHMU Tefik Çanga në Ferizaj FPPK ka paraparë që të organizoj turneun e pingpongut të seniorëve për ditën e Flamurit.

Pas parasysh përmirësimet e situatës me pandemi, komisioni i garave ka paraparë që ky turne të organizohet me sistem të hapur me sistem eliminimi.

Klubet duhet të paraqesin lojtarët e interesuar deri më 24 nëntor në ora 16:00, vetëm në emailin: komisionigarave@fppk.com

Shorti do të hidhet me datën 25 nëntor nga ora 20:00 përmes platformës zoom, dhe është i hapur për të gjithë përfaqësuesit e klubeve.

Me 27 nëntor nga ora 10:00 në SHMU Tefik Çanga në Ferizaj, FPPK ka paraparë që të organizoj turneun e pingpongut të veteranëve për ditën e Flamurit.

Turneu do të organizohet për këto 4 kategoritë:

• 40 - 49 vjeçar (të lindur në vitin 1981 ose përpara)
• 50 - 59 vjeçar (të lindur në vitin 1971 ose përpara)
• 60 - 64 vjeçar (të lindur në vitin 1961 ose përpara)
• mbi 65 vjeçar (të lindur në vitin 1956 ose përpara)

Paraqitjen e lojtarëve për veteran e boni deri më 25 nëntor në ora 16:00 në komisionigarave@fppk.com

Shorti për Veteran do të hidhet para fillimit të garave.

Garat do të zhvillohen fillimisht në fazën e grupeve sipas sistemit secili me secilin, për të kaluar pastaj në skeletin kryesor me sistem eliminimi, ndërsa në kategoritë që ka numër të vogël të pjesëmarrësve do të zhvillohet vetëm sistemi secili me secilin.

Sot, 21/11/2021, në SHMU Tefik Çanga në Ferizaj u organizua seminari për gjyqtar kombëtar të pingpongut, në kuadër të ngritjes së kapaciteteve të FPPK-së, ku pjesëmarrës ishin 28 gjyqtarë aktual dhe të rinj. Në seminar ligjëroj Prof.Dr. Abedin Bahtiri, i cili të pranishmit i njoftoi për rregullat e përgjithshme të pingpongut si dhe për risitë. Po ashtu u diskutua për kompetencat e gjyqtarit, gabimet e shpeshta, mënyra e duhur e kryerjes së punës së gjyqtarit, etj.

Të pranishmit u ndanë të kënaqur më informatat e pranuara, e po ashtu edhe në përgjigjet e marra në pyetjet e parashtruara.

Në fund të seminarit u organizua testimi teorik për gjyqtar të rinj për licencimin e tyre si gjyqtar kombëtar, ndërsa për gjyqtarët aktual testimi i rilicencimit do të organizohet në muajin shkurt të vitit 2022.

Gjyqtarët e rinj kombëtar të fppk-së janë:

FPPK-ja këtë seminar e organizoi në bashkëpunim me Kpp Ahmet Hoxha MK nga Ferizaj, si dhe komitetin e gjyqtarëve në përbërje:

-          Isak Maxhera kryetar i Komitetit të gjyqtarëve

-          Abedin Bahtiri gjyqtar ndërkombëtar

-          Shefqet Jashari gjyqtar ndërkombëtar

Në këtë fund javë janë paraparë organizimet e TOP 8 turnetë për Junior dhe U21, si në vijim:

1)    TOP 8 për Junior

Fillimisht të shtunën, 13/11/2021 duke filluar nga ora 10:00 në Ferizaj është paraparë të organizohet turneu i TOP 8 Juniorëve më të mirë të Kosovës për vitin 2021.

2)    TOP 8 për U21

Të dielen, 14/11/2021, duke filluar nga ora 10:00 në Ferizaj është paraparë të organizohet turneu i TOP 8 U21 më të mirë të Kosovës për vitin 2021.

Kërkojmë nga klubet që të konfirmojnë pjesëmarrjen e lojtarëve të tyre për TOP 8 Junior dhe U21 më së largu deri më 11 nëntor në ora 16:00, në rast të mos konfirmimit do të angazhohen rezervat që kanë konfirmuar gatishmërinë sipas renditjes.

Garat do të zhvillohen secili me secilin, shorti do të hidhet nga komisioni i garave.

Me 7 nëntor në SHMU Dardania në Pejë është paraparë organizimi i ndeshjeve të play off-it të ligës së parë, në mënyrë që të definohen 2 klubet që do të avancojnë në superligë në vitin 2022, si dhe plasmani final për klubet tjera.

Garat do të zhvillohen në formë të gjysmëfinaleve e pastaj të finaleve. Ndeshjet kryesore pa dyshim do të jenë ndërmjet dy të parëve nga liga A kundër dy të parëve nga liga B, fituesit do të kenë të sigurtë vendin në superligë, e pastaj në finale do të vendoset për të parin e ligës së parë.

Ndeshjet tjera do të jenë si në vijim:

Kampionit të ligës së parë të meshkujve dhe femrave do u shpërndahen kupat pas përfundimi të garave.

Sot, 24/10/2021, në SHMU Motrat Qiriazi në Prizren, u zhvilluan xhirot e radhës në superligën e meshkujve dhe të femrave, ku pat mjaft ndeshje interesante.

Ndeshje derbi ishte ndeshja ndërmjet Matkos Pharm Dardania vs KVPP Prizreni, për të cilën u desh të zhvillohen 5 ndeshje, shumica e tyre me rezultat të ngushtë, për të zbuluar fituesin Makos Pharm Dardania.

Mjaft interesante ishte edhe ndeshja ndërmjet Pripingut dhe Vushtrrisë, që po ashtu u mbyll me rezultat 3:2 për Pripingun, të cilët shënuan fitore edhe ndaj KVPP Prizrenit, e me këtë shtuan shanset për mbetje në superligë së bashku me Prishtinën që sot fituan ndaj Ahmet Hoxhës.

Te konkurrenca e femrave, ndeshja derbi ndërmjet Dritës dhe Vushtrrisë u mbyll me rezultat 3:1 për Dritën. Edhe ndeshjet tjera ishin interesante, e favoritet nuk lejuan befasi.

Rezultatet dhe Tabelat:

Aktivitetet e Ardhshme

Në javën e ardhshme janë paraparë të organizohet turneu për TOP 8 Kadet si dhe xhirot e fundit në superligën e meshkujve dhe të femrave, si dhe të ligës së parë A&B. 

Gjatë kësaj fundjave kemi 2 xhirot e radhës në superligën e meshkujve dhe të femrave të cilat janë paraparë të mbahen me 24 tetor duke filluar nga ora 10:00 në SHMU Motrat Çiriazi në Prizren,

Te konkurrenca e meshkujve do të kemi shumë ndeshje interesante, posaçërisht për klubet që synojnë të mbesin në superligë, pas parasysh se tanimë Kampioni dhe nënkampioni dihen, e deri në fund kemi 3 xhiro, ndërsa 5 klube janë në zonën e rrezikshme me pikë shumë të përafërta, andaj të gjitha ndeshjet konsiderohen derbi.

Në xhiron e 12 ndeshje mjaft interesante është ajo ndërmjet ‘Ahmet Hoxha’ vs ‘Prishtina’ si dhe ‘Matkos pharm Dardania’ vs ‘KVPP Prizreni’, ndërsa në xhiron e 13 ndeshja ‘Prishtina’ vs ‘Liria’ si dhe ndeshja ‘KVPP Prizreni’ vs ‘Priping’.

Ndeshjet tjera janë:

Te konkurrenca e femrave ndeshje derbi e javës konsiderohet ndeshja ndërmjet ‘Dritës’ dhe ‘Vushtrrisë’ si dhe ndeshja për mbijetesë në superligë ndërmjet ‘Prishtinës’ dhe ‘Pejës’

Me 16 tetor në SHMU Tefik Çanga në Ferizaj duke filluar nga ora 10:00 është paraparë organizimi I xhirove të fundit të ligës së juniorëve për Meshkuj dhe Femra.

Përderisa tek meshkuj tanimë dihet kampioni ‘Lidhja e Prizrenit, tek femrat për këtë pozitë do të zhvillohet ndeshja derbi ndërmjet dy klubeve nga Ferizaj, Ahmet Hoxha MK vs Ahmet Hoxha Femrat

Ndeshjet tjera:

Sot, 10/10/2021 në SHMU Dardania në Pejë u organizuan xhirot e radhës në ligën e parë A dhe B të meshkujve.

Ndeshja derbi ndërmjet Sharrit dhe Gani Malokut, i takoi klubit nga Prizreni me fitore 3:1, të cilët siguruan vendin e parë në ligën e parë A të meshkujve një xhiro para përfundimit të fazës së parë të garave ekipore.

Në ligën e parë B, Llapusha me dy fitore renditet e para ndërsa në xhiron e fundit përballë ka Ahmet Hoxha MK, që do të jetë derbi i javës për të caktuar vendin e parë të kësaj lige.

 Rezultatet dhe tabelat:

Aktivitete e Ardhshme

Me 16 tetor në SHMU Tefik Çanga në Ferizaj janë paraparë organizimi i dy aktiviteteve, fillimisht nga ora 10:00 organizimi i xhirove të fundit në ligën e juniorëve për meshkuj dhe femra, e pastaj nga ora 14:00 organizimi i dhe turneut të veteranëve ‘Gani Maloku’

Me 10 tetor në SHMU Dardania në Pejë është paraparë organizimi i xhirove të radhës në ligën e parë A dhe B të meshkujve.

Derbi i kësaj jave konsiderohet ndeshja ndërmjet dy të parëve të ligës së parë A, ‘Gani Maloku’ vs ‘Sharri’. Në sezonin pranveror ‘Sharri’ ka fituar me 3:2, cili do të jetë fituesin në këtë sezon?

Derbi tjetër i ligës së parë A konsiderohet ndeshja ‘Hasan Prishtina’ vs ‘Gani Maloku’  si dhe 'Sharri' vs 'Shkolla', të katër ekipet kanë shanse për dy pozitat e para, të cilat pastaj do luajnë në barazh me dy ekipet e para të ligës së parë B, për të përcaktuar dy klubet që vitin e ardhshëm do të garojnë në Superligën e Kosovës.

Në ligën e pare B ndeshje derbi konsiderohet ndeshja ndërmjet ‘Ahmet Hoxha MK’ vs ‘Vitia’.

Ndeshjet tjera do të jenë:

Sot, 02/10/2021, në sallën e pingpongut të Pallatit të rinisë, u organizuar turneu TOP 8 minikadet/e, me pjesëmarrjen e minikadetëve më të mirë në të dy gjinitë. Të gjithë pjesëmarrësit shfaqën lojë të mirë e konkurruese, detajet te vogla bënin dallimin, e kjo pasqyron punën shumë të mirë të trajnerëve me këto grupmosha, që konsiderohen shpresa të pingpongut.

Garat u organizuan në sistemin secili me secilin, e pas përfundimit të 7 xhirove, kampion dolën Arti Karabaxhaku dhe Taibe Ruli të dy nga klubet e Prizrenit.

https://www.facebook.com/fppks/photos/pcb.4586131291449845/4586125821450392/

Rezultatet përfundimtare :

Me 3 tetor nga ora 10:00 në palestrën Prizren Arena në Prizren (https://g.page/prizren-arena?share)  FPPK në bashkëpunim me Kpp Sharri kanë paraparë të organizojnë për herë të parë në pingpong turneun e seniorëve 'Dita e Boshnjakëve'    .

Duke pasur parasysh kufizimet për shkak të pandemisë ky turne do të organizohet me sistem të mbyllur, duke lejuar pjesëmarrjen e vetëm 32 femrave dhe 64 meshkujve.

Klubet duhet të paraqesin lojtarët e interesuar deri më 30 shtator në ora 16:00, vetëm në emailin: komisionigarave@fppk.com,

Shorti do të hidhet me datën 30 shtator nga ora 20:00 përmes platformës zoom, dhe është i hapur për të gjithë përfaqësuesit e klubeve, në short do të futen vetëm pingpongistët e paraqitur që janë të radhitur më lart në ranglistën e seniorve derisa të plotësohet numri i paraparë për të dy gjinitë.

Me 25 dhe 26 shtator u organizuan xhirot e radhës në ligën e juniorëve dhe superligën për të dy kategoritë.

Me 25 shtator në SHMU Tefik Çanka në Ferizaj u organizuan 3 xhirot e radhës në ligën e juniorëve, ku kampioni aktual ‘Lidhja e Prizrenit’ i fitoj edhe 6 pikë të radhës, e me këtë edhe mbron titullin e kampionit në këtë ligë. Po ashtu në të njëjtën ditë u zhvillua edhe 1 xhiro e ligës se junioreve ne të cilën po dominojnë klubet nga Ferizaj, e në 2 xhirot e fundit do të caktohet kampioni.

Me 26 shtator në SHMU Motrat Qeriazi në Prizren u zhvilluan 2 xhirot e radhës në superligën e meshkujve dhe të femrave. Ndeshja derbi ndërmjet Matkos pharm Dardania dhe Prishtines, e zhvilluar në Prishtinë me 25 shtator, i takoi Matkos pharm Dardania, e cila me këtë fitore siguroj vendin e dytë 3 xhiro para përfundimit të sezonit, sikur që Lidhja e Prizrenit me dy fitore të radhës siguroj vendin e parë e kështu edhe mbrojtjen e titullit të kampionit për vitin e katërt me radhë.

Ndeshje mjaft interesante ishte ajo ndërmjet ‘Lirisë’ dhe ‘Ahmet Hoxhës’ të cilën e fituan Ferizajasit, e kështu shtuan shpresat për të mbetur në superligë.

Deri në fund të sezoni luftë e madhe për mbetje në superligë do të bëhet ndërmjet 5 klubeve ‘KVPP Prizreni’, ‘Prishtina’, ‘Liria’, ‘Ahmet Hoxha’ dhe ‘Priping’, se cila prej tyre do i bashkëngjitet ‘Vushtrrisë’ në Ligën e parë.

Rezultatet dhe Tabelat

AKTIVITETET E ARDHSHME

Me 2 tetor është paraparë turneu për TOP 8 Minikadet/e, ndërsa me 3 tetor turneu i parë për ditën e boshnjakëve. 

Me 25 shtator nga ora 10:00 në SHMU Tefik Çanga në Ferizaj janë paraparë të organizohen 3 xhirot e radhës në ligën e juniorëve dhe 1 xhiro në ligen e junioreve. Derbi i javës konsiderohet ndeshja ndërmjet ‘Ahmet Hoxha MK’ vs ‘Lidhja e Prizrenit’.

Ndeshjet tjera do të jenë: 

Me 26 shtator nga ora 10:00 në SHMU Motrat Qiriazi në Prizren janë paraparë të organizohen 2 xhirot e radhës në Superligën e Meshkujve dhe 2 xhiro në Superligen e femrave. Derbi i javës konsiderohet ndeshja ndërmjet dy rivalëve të kahershëm nga Prishtina ‘Matkos pharm Dardania’ vs ‘Prishtina’ e vlefshme për pozitën e dytë. 

Ndeshjet tjera do të jenë:

Në fundjavë u organizuan garat e javës së dytë të sezonit vjeshtor në ligën e parë dhe ligën e juniorëve, kishte shumë ndeshje interesante.

Me 18 shtator në SHMU Tefik Çanga në Ferizaj u organizuan 3 xhirot e radhës në ligën e juniorëve dhe 1 xhiro në ligën e juniorëve. Ndeshja derbi e kësaj jave ishte ajo ndërmjet kampionëve të shumëfishtë ‘Lidhja e Prizrenit’ dhe ‘Gani Malokut’ që u përmbyll me 3:1

 Me 19 shtator në SHMU Dardania në Pejë u organizuan 2 xhirot e radhës në ligën e parë A dhe B të meshkujve dhe 3 xhirot e fundit në ligën e parë të femrave. Në derbin e ligës së parë të femrave ‘Shpresa’ triumfoi me 3:0 ndaj ‘Gani Malokut’ e kështu siguruan vendin e dytë që shpie në superligë në vitin 2022, në vendin e parë pa asnjë humbje doli ‘Matkos pharm Dardania’. 

Rezultatet dhe tabelat

Aktivitetet e ardhshme

Në fundjavë do të vazhdohet me javën e tretë të ligës së juniorëve për M & F dhe me javën e dytë të superligës për M & F. Ndeshjet për junior janë paraparë të zhvillohen në Ferizaj ndërsa për senior në Prizren.

Me 11 dhe 12 shtator janë organizuar ndeshjet e para të superliges dhe ligës së juniorëve për sezonin pranveror në Pingpong.

Fillimisht me 11 shtator në SHMU Tefik Qanga në Ferizaj u zhvilluan garat në ligën e juniorëve M & F, me që rast patëm shumë ndeshje interesante, favoritet nuk lejuan befasi.  Të pranishmit respektuan masat anti covid.

Me 12 shtator në SHMU Motrat Qiriazi në Prizren, në qendrën e 4 të FPPK-së në kushte shumë të mira për lojë, u zhvilluan xhirot e radhës në superligën e meshkujve dhe të femrave.

Derbi i paraparë ndërmjet Pripingut dhe Lidhjes së Prizrenit, në mungesë të lojtarit anglez, rezultoi në fitore të lehtë të kampionëve aktual me 3:0, ndërsa derbi tjetër ndërmjet Lirisë dhe Matkos pharm Dardania ishte mjaft interesant, e fituesi u vendos në setin e pestë me fitoren e Milot Makollit ndaj Eroll Boshnjakut, e kështu Matos Pharm Dardania fitori me 3:2. Befasi e javës mund të konsiderohet humbja me rezultat të ngushtë 3:2, të Prishtinës ndaj KVPP Prizrenit.

Rezultatet dhe tabelat

Aktivitetet e ardhshme

Në fundjavë do të vazhdohet me garat ekipore në ligën e parë të M &F dhe  ligën e juniorëve të M & F.

Me 18 shtator duke filluar nga ora 10:00 në Ferizaj do të zhvillohen xhirot e radhës në ligën e juniorëve, ndërsa me 19 shtator po ashtu duke filluar nga ora 10:00 në Pejë do të vazhdohet me xhirot e radhës në ligën e parë.

Dje, 05/09/21, në SHMU Dardania në Pejë, u organizuan xhirot e para të sezonit vjeshtor të ligës së parë për meshkuj dhe femra. 

Për herë të parë Peja ishte mikpritëse e garave ekipore të ligës së parë, duke dëshmuar se vendimi i federatës për të ja besuar organizimin e garave ishte i qëlluar. Garat u zhvilluan duke respektuar masat anticovdi nga të gjithë pjesëmarrësit.

Kishte mjaft ndeshje interesante, ne ligen B patëm dy ndeshje derbi Shkolla Prizreni vs Llapusha që përfundoj 1:3, siç ishte rezultati edhe te ndeshja Ahmet Hoxha MK vs Shkolla Prizrenit. Ndeshjet tjera favoritët nuk lejuan befasi.

Rezultatet dhe Tabelat.

Aktivitetet e ardhshme

Në këtë fundjavë do të organizohen edhe xhirot e para në ligën e juniorëve si dhe në Superligë.

Me 11 shtator duke filluar nga ora 10:00 në Ferizaj do të zhvillohen garat e ligës së juniorve për M dhe F, ndërsa me 12 shtator duke filluar nga ora 10:00 në Prizren do të zhvillohen garat e superligës për M dhe F.

Sot me datën 23.08.2021 në Ferizaj u mbajt turneu për top kadetet ku ishin të ftuara edhe dy reprezentueset nga Gjermania Anda Qeku e Dea Salihu tani reprezentuese të Kosovës ku u arritën këto rezultate:

1.Dea Salihu 12 pikë/ 6 fitore e 0 humbje

2.Anda Qeku 11 pikë/ 5 fitore e 1 humbje

3.Adea Babuni 10 pikë/ 4 fitore e 2 humbje

4.Taibe Ruli 9 pikë/ 3 fitore e 3 humbje

5.Ajola Behluli 8 pikë/ 2 fitore e 4 humbje

6.Tana Çitaku 7 pikë/ 1 fitore e 5 humbje

7.Deliza Meta 6 pikë/ 0 Fitore e 6 humbje. 

Sot me 6 prill ne Qendren Sportive "Sezai Surroi" ne Prizren ne forme simbolike u manifestua Dita Boterore e Pingpongut. Per shkak te masave anticovid qe u moren nga Qeveria u evitua grumbullimi i madh i te rinjeve dhe per kete arsye aktivitetet e kesaj dite u ndane ne grupe, ku pati lojera dhe aktivitete te ndryshme ne mes te atyre qe ishin te pranishem. Shpresojme qe situata e krijuar nga pandemia e cila i ka veshtiresuar jashtezakonisht aktivitetet tona, te kaloj sa me pare dhe t'i kthehemi aktiviteteve tona me salla te mbushura plot me te rinje. Shendeti mbi te gjitha.

Sot me daten 04.04.2021 ne shkollen Tefik Çanga ne Ferizaj u mbajt Kampionati Individual i Kosoves per Junior/e. Pati shume ndeshje interesante ne te cilat junioret shfaqen kualitetet e tyre mirepo ne fund favoritet nuk lejuan ndonje befasi.

Keto jane rezultatet perfundimtare :

Juniorët

1.Fatih Karabaxhaku

2.Blend Hajdari

3.Adriatik Maloku

3.Dren Çerkini

Junioret

1.Shega Hashani

2.Jerina Rexhepi

3.Lene Osmani

3.Adea Babuni

Ne fund te ketij kampionati per fituesit u ndane shperblime dhe mirenjoheje nga perfaqesuesit e FPPK-se.

Urime.

 Sot ne shkollen Tefik Çanga ne Ferizaj u organizua Kampionati Individual per Minikadet/e dhe Kadet/e. Interesimi ishte jashtezakonisht i madh ne kete kampionat tejet te rendesishem ku edhe verehej entuziazmi i te gjithe lojtareve te cilet treguan shume ndeshje interesante.

Ndeshjet u zhvilluan duke i zbatuar te gjitha masat anticovid dhe ne fund te kampionatit keto jane rezultatet perfundimtare :

Minikadetët

1. Elton Shemsiu

2. Olti Behluli

3. Resul Smaili

3. Land Osmani

Minikadetet

1. Taibe Ruli

2. Ajola Behluli

3. Maxhire Sojeva

3. Elsa Behluli

Kadetët

1. Anes Behluli

2 Adriatik Maloku

3. Amir Hoxha

3. Erjon Reka

Kadetet

1. Adea Babuni

2. Lene Osmani

3. Taibe Ruli

3. Ajola Behluli.

Urime, suksese

FPPK

Dje në Kuvendin Zgjedhor të KOK-ut, kryetari i FPPK-së z.Jeton Beqiri u zgjodh anëtarë i bordit ekzekutiv të KOK-ut si dhe nënkryetari i FPPK-së z.Jeton Oruqi anëtarë në Komisionin e Arbitrazhit Sportiv ku ju dëshirojmë suksese në detyrat e tyre të reja në organin më të lartë të sportit kosovar.

Poashtu e urojmë edhe presidentin e ri të KOK-ut z.Ismet Krasniqi duke i dëshiruar punë të mbarë dhe suksese në detyrën e re. 

Me 13 shkurt në Hotel Magra në Bernicë, federata e pingpongut bëri shpalljen e më të mirëve për vitin 2020.

Të ftuarve në këtë ceremoni u drejtua kryetari i federatës z. Jeton Beqiri, i cili i njoftoi ata për punën e federatës gjatë vitit 2020, që për shkak të pandemisë kishte realizuar rreth 140 aktivitete të ndryshme, ishte shpallur si federata e 3-të më aktive gjatë pandemisë nga federata ndërkombëtare e pingpongut, kishte bërë trajnime të ndryshme për ngritje të kapaciteteve të saj, i është shtuar një gjyqtar ndërkombëtar si dhe 16 gjyqtar kombëtar, 3 anëtarë të saj janë zgjedhur pjesë të organeve të federatës evropiane, për sukseset e arritura në aktivitetin e vetëm në arenën ndërkombëtare nga të rinjtë ku u fituan disa medalje të arta, pastaj edhe për ndryshimin e statuti për ta harmonizuar me statutin e ITTF-it si dhe ligjeve të Kosovës, si dhe u premtoj lojtarëve se do të përpiqet edhe më shumë për të ngritur cilësinë e pingpongut në Kosovë.

Moderatori i këtij aktivitetit z. Jeton Oruqi i falënderoj të pranishmit për pjesëmarrjen në këto kushte të vështira e pastaj shpalosi para tyre vendimin e komisionit për zgjedhjen e më të mirëve që kishin paraparë fillimisht të jepnin mirënjohje të veçanta si në vijim:

1.                   Departamentit të sportit - nga Ministria për Kulturë Rini dhe Sport

2.                   Kryetarit të Pejës z.Gazmend Muhaxheri - Në promovimin e pingpongut në qytetin e Pejës dhe pajisjen e të gjitha shkollave me tabela të pingpongut.

3.                   Drejtoreshës së sportit në Pejë Xhenet Syka, Në promovimin dhe sensibilizimin e pingpongut në Pejë

4.                   Kryetarit të Ferizajt z. Agim Aliu - Për mbështetjen ndaj federatës në organizimet e shumta në vitin që lam pas.

5.                   Drejtorit të Shkollës: Basri Hasani - Për mundësinë e zhvillimit të garave dhe kampit të FPPK-së

6.                   KOK-ut- për bashkëpunimin e vazhdueshëm

7.                   STAG-ut sponzor gjeneral i pajisjeve të FPPK-së.

8.                   MELITA - Sponzori i quick books

9.                   Vlera - përkrahje në organizimin e aktiviteteve të fppk-së

10.                  Post-Mortum – mirënjohje për familjen e Xhemajl Cecelisë

11.                   Kosovainfo – mirënjohje për pasqyrim të aktiviteteve të fppk-së gjatë vitit 2020

Falënderim për të gjitha mediat për ndjekje të vazhdueshme të aktiviteteve të FPPK-së

Pas mirënjohjeve për kontributet e ndryshme u vazhdua me shpalljen e më të mirëve sipas kategorive të ndryshme që Komisioni i kishte vlerësuar duke u bazuar në rregulloren e FPPK-së për shpalljen e më të mirëve, që për bazë ka të arriturat gjatë vitit për secilën kategori si në vijim:

1.            Ekipi më i mirë i vitit për Juniorë:

Kampion i ligës së juniorëve të Kosovës dhe Kupës së Kosovës.

Kpp “Lidhja e Prizrenit” Prizren (Blendi Hajdari, Fati Karabaxhaku, Shaban Peza dhe Erën Kaqaniku)

2.            Ekipi më i mirë i vitit për Senior -Femra:

Kampion i superligës së Kosovës dhe Kupës së Kosovës

Kpp “Drita” Gjilan (Alma Mehmeti, Bleona Mehmeti, Hanife Zeqiri, Linda Zeqiri)

3.            Ekipi më i mirë i vitit nëpër Senior -Meshkuj:

Kampion i superligës së Kosovës, finalist i Kupës së Kosovës

Kpp “Lidhja e Prizrenit” Prizren (Berkan Bajmak, Dardan Imami, Fati Karabaxhaku, Kreshnik Mahmuti).

4.            Klubi më i suksesshëm i vitit

Klubi që ka arritur rezultatet me të mira, në total me të gjitha kategoritë garuese, si në garat ekipore ashtu edhe në garat individuale.

Në garat ekipore:

1) Senior meshkuj: vendi i parë në superligën e Kosovës

2) Senior meshkuj: vendi i parë në Kupën e Kosovës,

3) Senior femra: vendi i pestë garat ekipore

4) Junior: vendi i parë në Kampionatin e Kosovës

5) Junior:vendi i parë në Kupën e Kosovës;.

6) Individuale: vendi i parë në minikadete (F),

7) Individuale: vendi i parë në kadet (M),

8) Individuale: dy vendet e para në Junior (M),

9) Individuale: tre vendet e para në U21

10) Individuale: tre vendet e para Senior

Kpp ‘Lidhja e Prizrenit”-Prizren

5.            Punëtori sportiv i vitit:

Kontribut në masovisimin e pingpongut në FPPK me shtimin e 6 klubeve të reja, si dhe senzimilizim për pingpongun në rajonin e Pejës ku janë shpërndarë 70 tavolina nëpër shkolla të pingpongut.

Qamil Vishaj -  anëtar i bordit.

6.            Gjyqtari i vitit :

Gjyqtar i vitit, që u spikat për profesionalizëm të lartë gjatë ndarjes së drejtësisë në shumicën e garave në vend, në vitin 2020 ka marr edhe licencën ndërkombëtare.

Eroll Karabaxhaku, Gjyqtar

7.            Trajneri më i mirë:

Për kontributin e vazhdueshëm në ngritjen e pingpongut në Kosovë, për arritjet me të gjitha kategoritë garuese, si në garat ekipore (kampion në Superligë, dhe ligën e juniorëve, ashtu edhe fitues i kupës së Kosovës me Senior dhe Junior, poashtu edhe në ato individuale (Kampionin e ranglistës së seniorëve, Kampion dhe nënkampion i ranglistës së U21-ve, kampion dhe nen kampionin e ranglistës Juniorve, kampionin e ranglistës së kadetëve, gjithashtu kampione edhe me ranglistën e minikadeteve femra) gjithashtu është edhe ud. selektor i reprezentacionit të Kosovës.

Rifat Rifati, Kpp “Lidhja e Prizrenit” Prizren

8.            Minikadetja më e mirë:

Nr 1 në Ranglistën e Kosovës për minikadete,

Taibe Ruli, anëtare  e  Kpp “Lidhja e prizrenit”, Prizren

9.             Minikadeti më i mirë:

Nr 1 në Ranglistën e Kosovës për minikadet,

Adriatik Maloku  anëtar i Kpp “Ahmet Hoxha”, Ferizaj

10.             Kadetja më e mirë:,

Nr 1 në ranglistën e Kosovës për kadete,

Reprezentuesja e Kosovës dhe pjesëmarrëse në Conect liga në Shkup kampione në garat individuale me gjithsej 7 fitore

Shega Hashani, anëtare  e  Kpp “Ahmet Hoxha”, Ferizaj

11.             Kadeti më i mirë:

Nr 1 në ranglistën e Kosovës për kadet,

Reprezentues i Kosovës dhe pjesëmarrëse në Conect liga në Shkup në garat individuale kampion me 4 fitore

Blend Hajdari anëtar i Kpp “Lidhja e Prizreni” Prizren

12.          Juniorja më e mirë e vitit:

Nr 2 në ranglistën e Kosovës për juniore,

Reprezentuese e Kosovës dhe pjesëmarrëse në Conect liga në Shkup ka shënuar 5 fitore

Alma Mehameti, anëtare e Kpp “Drita”, Gjilan

13.          Juniori më i mirë i vitit:

Nr 1 në ranglistën e Kosovës për Junior,

Reprezentues i Kosovës dhe pjesëmarrëse në Connect liga në Shkup në garat individuale dhe ekipore kampion me 7 fitore

Fatih Karabaxhaku  anëtar i Kpp “Lidhja e Prizreni” Prizren

14.          U21 më e mirë e vitit:

Nr 1 në Ranglistën e Kosovës për U21

Shega Hashani, anëtare e Kpp “Ahmet Hoxha”, Ferizaj

15.          U21 më i mirë i vitit:

Nr 1 në Ranglistën e Kosovës për U21

Kreshnik Mahmuti, anëtar  i Kpp “Lidhja e Prizrenit”, Prizren

16.          Seniorja më e mirë e vitit:

Nr.1 në Ranglistën e Kosovës për senior

Linda Zeqiri, anëtare e Kpp “Drita”, Gjilan

17.          Seniori më i mirë i vitit:

Nr 1 në ranglistën e Kosovës për Senior,

Kreshnik Mahmuti  anëtar i Kpp “Lidhja e Prizreni” Prizren

Me datën 13/02/2021, në sallën e Hotel Magra në Bërnicë, federata e pingpongut mbajti kuvendin e rregullt dhe zgjedhor, me këtë rast edhe u zgjodhën organet e reja të federatës për ciklin olimpik 2021 -2025 duke u bazuar në statutin e ri të FPPK-së. Zgjedhjet u mbajtën për : për Kryetarin, për anëtarët e bordit ekzekutiv, për anëtarët e bordit të apelit, për anëtarët e këshillin mbikëqyrës, për anëtarët e komisionit disiplinor, për anëtarët e komitetit të gjyqtarëve, për anëtarët e komitetit të veteranëve si dhe për anëtarët e komitetit të trajnerëve. Ditë më parë u organizuan edhe zgjedhjet për anëtarët e komisionit të sportistëve. Zgjedhjet u vëzhguan për se afërmi nga përfaqësuesit e departamentit të sporti (MKRS) dhe Komitetit Olimpik të Kosovës, të cilët vlerësuan mjaft lart qeverisjen e transparencën e lartë dhe të arriturat e deritanishme si dhe tërë procesin e punës së kuvendit dhe të zgjedhjeve.

Në garën për kryetar kandidat ishte vetëm Jeton Beqiri i cili me shumicë të votave u zgjodh kryetari i ri i federatës.

Pastaj u zgjodhën anëtarët e rinj të bordit ekzekutiv të federatës:

1. Besim Hajdari

2. Besnik Behluli

3. Blerina Boshnjaku

4. Edona Shabani

5. Feim Rama

6. JetonOruçi

7. Linda Zeqiri

8. Miranda Dacaj

9. Qamil Vishaj

10. Ridvan Hashani

Anëtarët e bordit apelit të federatës:

1. Sheremet Hoti (kryetar)

2. Veton Gota

3. Nexhmedin Krasniqi

4. Naim Ferati

5. (do caktohet nga bordi ekzekutiv për deri në kuvendin e ardhshëm)

Anëtarë e këshillit mbikëqyrës:

1. Bekim Kryeziu (kryetar)

2. Veton Pira

3. Sadri Hulaj

Anëtarët e komisionit disiplinor:

1. Arton Haxhijaj (kryetar)

2. Jeton Mazreku

3. Nezir Lokaj

Anëtarët e Komitetit të gjyqtarëve:

1. Bashkim Gashi (Kryetar)

2. Burim Gjoci

3. Isak Maxhera

Anëtarët e komitetit të veteranëve:

1. Adem Berisha (kryetar)

2. Vehbi Raçi

3. Remzi Shala

Anëtarët e komitetit të trajnerëve:

1. Drejtori i reprezentacionit (kryetar)

2. Dardan Imami

3. Ardian Lamaxhema

Me daten 26 dhe 27 dhjetor ne SHFMU "Tefik Canga" ne Ferizaj u mbajt turneut TOP 12 (M) dhe TOP 8 (F) per Senior. Garat u zhvilluan ne atmosfere sportive dhe pati shume ndeshje interesante. Pas 11 (M) dhe 7 (F) xhirove te zhvilluara u arriten keto rezultate :

Meshkujt:

1. Kreshnik Mahmuti

2. Fatih Karabaxhaku

3. Dardan Imami

4. Blend Hajdari

5. Eroll Boshanjaku

6. Ylli Maloku

7. Erxhan Karabaxhak

8. Veton Gota

9. Orhan Kurteshi

10. Alimehmet Kaqaniku

11. Feim Rama

12. Imran Ramadani

Femrat :

1. Linda Zeqiri

2. Alma Mehmeti

3. Ilirjana Haliti

4. Shega Hashani

5. Hanife Zeqiri

6. Jerina Rexhepi

7. Alma Hoxha

8. Taibe Ruli

Urime dhe suksese. FPPK

KPP Drita (femrat) perfundoi sezonen ne garat ekipore me nje bilanc perfundimtare me 15 fitore dhe 1 humbje, te cilen humbje e pesuan nga KPP Ahmet Hoxha me rezultat 3:1, e i cili ekip poashtu perfundoi garat ekipore me 15 fitore dhe 1 humbje dhe pasi ne sezonin pranveror KPP Drita ka shenuar fitore me rezultat 3:1 ndaj KPP Ahmet Hoxha, kampioni u percaktua vetem pas llogaritjes se diferences ne sete te ndeshjeve individuale (18:15 ne favor te KPP Drita) dhe ne saje te diferences prej +3 seteve te ndeshjeve individuale ne favor te KPP Drita ata edhe u shpallen Kampion dhe nga Kryetari i FPPK, z. Beqiri pranuan medaljet dhe Kupen e Kampionit!

Anetaret kampion te KPP DRITA nga Gjilani:

- Linda Zeqiri

- Alma Mehmeti

- Bleona Mehmeti

- Hanife Zeqiri

- Jeton Azizi (trajner)

Urime KPP Drita !

 KPP Lidhja e Prizrenit (juniorë) perfundoi xhiron e 18-te (te fundit) ekipore dhe u shpallen Kampion te Liges se Junioreve te Kosoves per vitin 2020 me 18 fitore dhe asnje humbje dhe nga Nenkryetari i FPPK, z. Besim Hajdari pranuan medaljet dhe Kupen e Kampionit!

Anetaret kampion te KPP Lidhja e Prizrenit (juniorë):

- Fatih Karabaxhak

- Blend Hajdari

- Shaban Peza

- Eren Kaqaniku

- Rifat Rifati (trajner)

Urime KPP Lidhja e Prizrenit !

Argjend Ferati (kryetar i Komisionit te Marketingut ne FPPK), perzgjedhet nga Federata Nderkombetare e Pingpongut (ITTF) qe te jete Promovues formal i Dites Boterore te Pingpongut ne vitin 2021 per Kosove.

Per kete aktivitet, Argjendi do te perkrahet nga ITTF me mjete materiale/logjistike dhe veshmbathje formale derisa edhe FPPK do hartoje nje program te bashkepunimit te perbashket me ITTF ne festimin e promovimin e kesaj dite me rendesi. Objektiva e Argjendit eshte te organizoje nje ngjarje sportive per te shenuar Diten Boterore te Pingpongut me 06 prill 2021 me fokus ne fuqizimin e femrave dhe barazine gjinore dhe motivoje te tjeret te merren me sportin e pingpongut!

Urime dhe suksese Argjend! 

KPP Priping në bashkëpunim me Qendrën Kosovare për Luftimin e Kancerit të Gjirit me rastin e muajit të vetëdijesimit ndaj kancerit të gjirit, do të organizojnë turne të hapur, "PINK-PONG Breast Cancer Awareness" për personat e prekur nga kjo sëmundje.

Muaji Tetor është muaji i vetëdijesimit për kancerin e gjirit në gjithë botën andaj KPP Priping me anë të sportit të pingpongut dëshiron të ngritë vetëdijesimin për kontrollimet hershme dhe të luftojë këtë sëmundje qysh në hapat e parë.

Pjese e këtij turneu do të jetë edhe Dr. Ilir Kurtishi, drejtor i Klinikës së Onkologjisë në QKUK!

Ky turne është përkrahur nga Kompania e Sigurimeve Sigal Uniqa Group Austria në Kosove dhe Rotary Club Neëborn Prishtina. Klubi jonë do të sigurojë pajisjet e nevojshme për turne, kurse juve krejt çka ju duhet është të vini në sallën e pingpongut, në Pallatin e Rinisë dhe Sportit, në Prishtinë, me datë 28 tetor 2020, nga ora 18:00.

Me respekt,

Keshilli organizativ

048 406 406

Siç edhe jeni në dijeni Organizata Botërore e Shëndetësisë, KoronaVirusin, virus i cili ka përfshi të gjithë rajonin dhe më gjerë, e ka shpallë pandemi botërore. Dhe, si rrjedhojë e kësaj, Qeveria e Republikës së Kosovës ka marrë vendim për ndërprerjen e procesit mësimor në të gjitha institucionet arsimore publike dhe private. Po ashtu edhe Ministria e Sportit dhe KOK-ut kanë marrë vendim që të gjitha aktivitetet të zhvillohen pa pjesëmarrje të publikut.

Andaj Bordi i FPPK-së ka marrë vendim që aktivitetet e parapara me 14,15,21 dhe 22 mars të shtyhen deri pas 27 marsit, me qëllim që të jemi të kujdesshëm për shëndetin e anëtarëve të FPPK-së.

Bordi do të vazhdojë të monitorojë situatën dhe të eksplorojë mundësitë për datat e reja eventuale në koordinim me Komisionin e Garave, e do ju informojë në kohën e duhur tonë për çdo azhurnim, duke e mbajtur gjithmonë përparësinë kryesore shëndetin e lojtarëve dhe pjesëmarrësve të tjerë. 

 Ftesë për Ofertim: Auditimi i Pasqyrave Financiare për vitin 2019

FPPK fton kompanitë audituese që të ofertojnë për të kryer shërbimet e auditimit sipas IFRS dhe rregullave të ATK-së për vitin financiar prej 01.01.2019 deri me 31.12.2019.

Datat e publikimit: 06 mars 2020
Data e mbylljes: 10 mars 2020, ora 16:00
Data e njoftimit: Më së largu me 11 mars 2020 (Pas mbajtjes së Mbledhjes së Bordit që është e paraparë me 10 mars 2020)

Objekti i kontratës: Marrëveshje e shërbimit
Autoriteti kontraktues: Federata e Pingpongut te Kosoves

Ofertuesit e interesuar, së bashku me ofertën duhet të dorëzojnë edhe dokumentacionin shtesë si në vijim:
– Certifikata e regjistrimit të biznesit;
– Certifikata e regjistrimit fiskal;
– Licenca nga organet kompetente për kryerjen e punëve;
– Referenca mbi kryerjen e punëve të ngjashme;
– CV-të e auditorëve që do të bëjnë auditimin.

Oferta duhet të përmbajë:
– Planin gjeneral të auditimit;
– Afatin kohor të propozuar;
– Kërkesa për dokumentacionet që duhen të përgatiten paraprakisht nga ana e OJQ-së;
– Tarifat për auditorë;
– Shumën totale të auditimit (Në rast se çmimet dorëzohen pa e specifikuar TVSH-në, FPPK do të konsiderojë se çmimi përfshinë TVSH-në).

Ofertat duhen të dërgohen ne fppk@fppk.com